«Миллиард.Татар» проекты «Ел татары»н бүләкләде
2022 елга йомгак ясап, «Миллиард.Татар» бу катлаулы елда татарлар тормышына мөһим өлеш керткән берничә төп шәхесне билгеләп үтәргә булды. Кичә дүрт номинациядә «Ел татары» премиясен тапшыру тантанасы узды.
«Галим» номинациясендә Мәрҗани исемендәге Тарих институты директоры Радик Салихов җиңде. Адвокат Руслан Нагиев «Яклаучы» булды, аны мөселманнарның төп хокукый яклаучысы дип атыйлар.
«Публицист» номинациясендә – татарларга һәм республикага мәгълүмати һөҗүмнәргә җавап кайтаручы, журналист Марк Шишкин билгеләп үтелде. «Ел кешесе» дип аталган дүртенче номинациягә, куркуга, күп нәрсәләрдән мәхрүм ителүгә һәм авырлыкларга карамастан, үз җирләрендә калучылар лаек дип табылды.
Катнашучыларның һәрберсе һәм премия турында тулырак «Миллиард.Татар» сайтында укыгыз.