Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
«Миллиард.Татар» Казандагы очрашуда академик Нигъмәтуллинга «Идегәй» дастанын бүләк итте
Казанда «Татмедиа» медиахолдингында Татарстан журналистларының П.П.Ширшов исемендәге Россия Фәннәр академиясе Океанология институтының фәнни җитәкчесе, Россия Фәннәр академиясе академигы Роберт Нигъмәтуллин белән очрашуы узды.
Галимнең сәфәре бу атнада билгеләп үтелә торган Татарстан Республикасы Фәннәр академиясенең 35 еллыгына багышланган.
Мәскәүдә туган Нигъмәтуллин галим-механик һәм педагог буларак кына түгел, ә татар теле һәм мәдәнияте язмышы өчен борчылучы кеше буларак та билгеле. Ул Татарстан Фәннәр академиясенең мактаулы әгъзасы һәм Бөтендөнья татар конгрессының Милли шура әгъзасы да.
Галим рус телле мохиттә үскән, татар телен махсус өйрәнгән һәм киләсе буыннар өчен аны саклап калуның мөһимлеген даими искәртеп килә.
Журналистлар белән аралашу барышында академик үз тормышы турында сөйләде, милли үзенчәлеккә тукталды, латин әлифбасына күчмичә, татар телен кириллицада саклап калу кирәклеген аерым билгеләп үтте. Аның сүзләренчә, көчле халыклар, шул исәптән эстоннар, латышлар һәм литвалылар үз телләрен саклап кала алган, ә татарлар әлегә булдыра алмыйлар, ләкин тырышалар.
«Миллиард.Татар» басмасы редакциясе академикка истәлекле бүләк: «Идегәй» эпосының рус һәм татар телләрендәге аудиоверсиясен, шулай ук рәссам Рушан Шәмсетдиновның картиналары репродукцияләре төшерелгән открыткалар җыелмасын бүләк итте.
Яңалыкларны күзәтеп бару өчен Макс-каналга язылыгыз