«Миллиард.Татар» елның татар тел проекты һәм IT-проекты исеменә номинантларны атады

Скопировать ссылку

«Миллиард.Татар» «Ел татарлары» рейтингында «Елның татар тел проекты һәм IT-проекты» номинациясендә яңа тавыш бирү игълан итте.

Кандидатлар унлыгында:

iOS һәм macOS өчен татарча «раскладка»;
«Сәлам» – татар телен өйрәнү кушымтасы;
TATlit – татар теле өчен махсус төзелгән тел моделе;
«Үчтеки» һәм «Акыллым» – балаларга татар телен өйрәтү проектлары;
«Онлайн Рамазан» - дин һәм татар үзенчәлеге турында мәгърифәтчелек медиапроекты;
«Әлифба 2.0» - уен форматындагы татар әлифбасы;
Tataro – ясалма фәһем-ярдәмче һәм 150 мең сүзле мәкаләдән торган базалы татар тәрҗемәчесе;
«ИкеТел» – татар телен өйрәнү өчен платформа;
«Татар теле – мәчетләрдә һәм мәдрәсәләрдә»;
«Уку» – татар әдәбиятын уку һәм телне өйрәнү проекты.

Үз тавышыңны «Вконтакте»да, Телеграмда һәм «Миллиард.Татар» сайтында бирергә мөмкин.

«Ел татарлары» премиясе номинантлары 21 номинациядә катнаша. Җиңүчеләрне 2 декабрьдә билгеләячәкләр.