Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
«Миллиард.Татар» ел татар медиа-проекты исеменә номинантларны атады
«Миллиард.Татар» «Ел татарлары» проектында «Елның татар медиа-проекты» номинациясендә тавыш бирү өчен яңа рейтинг тәкъдим итте.
Номинантлар унлыгына түбәндәгеләр керде:
«Изумительно КЗК» – Рәмис Латыйповның Казан һәм татар мәдәнияте турындагы блогы;
«Сүзлекче язмалары» – Ринат Сәфәровның татар сүзләре турында кызыклы фактлар белән Telegram-каналы;
TATARLAR_BEST – татарлар турында блог;
«Тасма» – Алсу Мансурованың хәзерге тормыш турындагы подкасты;
Ташкентның Татар иҗтимагый мәдәни-агарту үзәге – Үзбәкстандагы татар җәмәгатьчелеген тел, мәдәният һәм гореф-гадәтләр тирәсенә берләштерүче бергәлек;
«Бер генә сәгатькә» – эмиграциядәге тормыш турында татар телендәге подкаст;
TUTASH – Гөлназ Әхмәдиеваның хатын-кыз тормышы, гаиләсе һәм дине турындагы татар телле подкасты;
tatarverse – татар, башкорт һәм кырымтатар мәдәни үзәкләренең, бергәлекләренең һәм инициативаларының ачык каталогы;
«Шәһри Казан» – татар телле газета;
«194 нче бүлмә» – татар әдәбияты һәм язучылары турында татар телендәге видеопроект.
Үз тавышыңны «Вконтакте»да, телеграмда һәм «Миллиард.Татар» сайтында бирергә мөмкин.
«Ел татарлары» премиясе номинантлары 21 номинациядә катнаша. Җиңүчеләрне 2 декабрьдә билгеләячәкләр.
Яңалыкларны күзәтеп бару өчен Макс-каналга язылыгыз