Мәдәният 6 гыйнвар 2022 16:16

Милли музей 1910 елгы Казан буенча интерактив VR-экскурсияләргә чакыра

Виртуаль сәяхәт кылу өчен алдан язылырга кирәк.

Скопировать ссылку

(Казан, 6 гыйнвар, «Татар-информ»). Кәнәфигә утырган килеш виртуаль чынбарлык шлемын киеп, 111 ел элек булган Казанга сәяхәт ясарга мөмкин. Милли музей интерактив VR-экскурсияләргә чакыра.

«Переходъ» — 3 меңнән артык архив фотосурәте нигезендә XX гасырның 1910-1920 еллардагы Казанның тарихи яктан төгәл визуальләштерү проекты. Проектның эш төркеменә тарихчы, археолог, реставратор, VR программалаштыру һәм визуализация белгечләре кергән. Бу хакта Татарстан Мәдәният министрлыгы матбугат хезмәте хәбәр итә.

Урамнар һәм мәйданнар югары сыйфатта торгызылган, борынгы Казан буйлап сәяхәтне өр-яңа VR-күзлекләр тәэмин итә. Биналарның архитектурасын, кибет киштәләрен карарга, афишаларга укырга мөмкинлек бирелә.

Виртуаль сәяхәт кылу өчен 7 (987) 219-04-26 телефоны буенча алдан язылырга кирәк.

#Милли музей

Сәхифәләр

Милли музей 1910 елгы Казан буенча интерактив VR-экскурсияләргә чакыра