Милли китапханәдә чит ил студентлары «Җиңү җырлары» дип аталган концерт тәкъдим итәчәк
Скопировать ссылку
6 майда 18:00 сәгатьтә Татарстан Милли китапханәсендә чит ил студентлары катнашында «Җиңү җырлары» дип аталган музыкаль-әдәби кичә була. Бу хакта Милли китапханә телеграм-каналында хәбәр итте.
Төрле илләрдән килгән чит ил студентлары сугыш еллары җырларын башкарачак һәм тынычлык турында шигырьләр укыячак, диелә хәбәрдә.
Программада Кытай, Төркия, Сербия, Конго, Мозамбик, Бангладеш, Төркмәнстан, Үзбәкстан, Ангола, Ирак, Мисыр, Перу һәм Гана студентлары башкаруында вокаль, инструменталь һәм шигъри номерлар, шулай ук сугыш еллары җырлары яңгыраячак.