Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Милли китапханә "Каһарманлыкка кер кунмый" күргәзмәсен карарга чакыра
Бөек Җиңү көненә багышланган күргәзмәгә сугыш чоры документлары, фотосурәтләр, архив чыганаклары куелган.
(Казан, 18 май, "Татар-информ"). Татарстан Республикасы Милли китапханәсенең Күргәзмәләр һәм мәдәни программалар бүлеге Бөек Җиңү көненә багышланган "Каһарманлыкка кер кунмый" дип аталган күргәзмә тәкъдим итә. Бу турыда Милли китапханәнең матбугат хезмәте хәбәр итте.
Экспозиция тулысы белән Бөек Ватан сугышында җиңү яулауга Татарстан халкы керткән өлешне яктырта. Күргәзмә татарстанлыларның фронтта һәм тылда куйган фидакяр хезмәтен һәм каһарманлыкларын мәңгеләштерү максатында оештырыла.
- Совет Армиясе сафларына республикабыздан 700 меңләп кеше алына, шулардан 350 меңгә якыны сугышта һәлак була. Аларның исемнәре 27 томлы "Хәтер" китабына кертелгән.
Күргәзмәдә сугыш чоры документлары, фотосурәтләр, архив чыганаклары бар. Совет язучыларының зур төркеме Чистайга эвакуацияләнеп кайта. Татар язучыларының сугыш турында язылган әсәрләре күргәзмәне тагын да баета. Аларның шул чордагы тормышы һәм иҗат эшчәнлеген яктырткан китаплар күпләргә кызыклы булыр, диелгән бу хәбәрдә.
Икенче өлештә каһарман якташларыбызга багышланган китаплар белән танышырга мөмкин. "Шагыйрь Муса Җәлил, Брест ныгытмасы сакчысы Петр Гаврилов, очучы Мәгубә Сыртланова, укчы Газинур Гафиятуллин батырлыклары халык күңелендә мәңге сакланыр", дип яза күргәзмәне оештыручылар.
Кызыклы яңалыкларны күзәтеп бару өчен Телеграм-каналга язылыгыз