Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Милли китапханәдә һөнәр сайлауга багышланган күргәзмә ачылды
Күргәзмә, беренче чиратта, яшьләр өчен тәкъдим ителә
(Казан, 2 август, "Татар-информ"). «Һөнәр сайлау – үз эшеңнең чын остасы булу» – Татарстан Республикасы Милли китапханәсенең Күргәзмәләр залында август ае дәвамында шушы исемдә китап экспозициясе эшләячәк. Бу турыда китапханәнең матбугат хезмәте хәбәр итте.
- Казанда 22 августтан 27 августка кадәр Wordskills стандартлары буенча һөнәри осталык ярышларының бөтендөнья чемпионаты узачак. Безнең шәһәр бөтен дөньяның яшь эшче-белгечләрен туплаячак. 60 илдән 1500 гә якын катнашучы килер дип көтелә.
"Күргәзмә, беренче чиратта, яшьләр өчен тәкъдим ителә. Замана яшьләре үзләренә дәрәҗәле, халыкка кирәкле һәм акчалы һөнәрләрне сайларга тырыша. Китапханә фондларыннан алынган күпсанлы китаплар төрле профессияләрнең нечкәлекләрен аңлатып кына калмыйлар, якын киләчәктә популяр булачак һөнәрләр белән дә таныштыралар", диелә бу хәбәрдә.
Мәсәлән, Е.И. Роговның «Выбор профессии: Становление профессионала» дигән китабында һөнәр сайлаучыларга психологик киңәшләр бирелә; А. Венцның «Профессия – программист» китабы программалауның үткәне, бүгенгесе һәм киләчәге турында сөйли, программист хезмәтенең үзенчәлекләре белән таныштыра. Заман үзгәргән саен тормыш яңа һөнәрләр таләп итә.
Кызыклы яңалыкларны күзәтеп бару өчен Телеграм-каналга язылыгыз