Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Милләттәшебез музеена юл суынмас
Милләттәшебез музеена юл суынмас
(Запорожье, 11 гыйнвар, “Татар-информ”, Диләвәр Османов). Украинадагы Запорожье өлкәсе татарларының “Алтын ай” җәмгыяте рәисе Рәхимә Әхмәрова “Татар-информ” мәгълүмат агентлыгы хәбәрчесенә белдерүенчә, өлкәнең Приазовка районы Розовка бистәсендә җирләнгән милләттәшебез, хәрби очучы Госман Бикбулатовның музеен ремонтлау чыгымнары район хакимиятенең быелгы бюджетына кертелгән.
Г.Бикбулатов Украина өчен барган авыр сугышта һәлак булган һәм мәңгегә Украина җирендә ятып калган. Розовка бистәсе халкы батырның исемен мәңгеләштерү йөзеннән аңа һәйкәл куйган һәм Госман Бикбулатов исемендәге хәрби музей ачып җибәргән. Музей өчен экспонатларны кайчандыр мәктәп пионер дружинасы җитәкчесе булган, ә хәзер исә шушы бистәнең хакимият башлыгы булып эшләүче Евгения Андреева җыйган. Һәр елны Җиңү һәм 22 июнь – сугыш башлану көннәрендә, Запорожьеның “Алтын ай” татар җәмгыяте активистлары музейга килә һәм якташлары Г.Бикбулатов һәйкәленә чәчәкләр сала. Г.Бикбулатовның исеме Татарстанның “Хәтер китабы”на да кертелгән.
Кызыклы яңалыкларны күзәтеп бару өчен Телеграм-каналга язылыгыз