«Микулай» фильмы Шукшин фестивалендә «Иң яхшы продюсер эше» номинациясендә җиңде
Скопировать ссылку
Илшат Рәхимбайның «Микулай» фильмы Шукшин фестивалендә «Иң яхшы продюсер эше» номинациясендә дипломга ия булды. Кинофестиваль нәтиҗәләре турында мәгълүмат кинофестивальнең рәсми сайтында урнаштырылган.
Кинофестивальдә гран-прины якут фильмы – Любовь Борисованың «Не хороните меня без Ивана» фильмы алды. «Иң яхшы режиссер эше» номинациясендә Башкортстан режиссеры Булат Йосыповның «Дневник поэта» фильмы лауреат булды.
Үткән ел кинофестивальдә гран-прига татар режиссеры Илдар Ягъфәровның «Исәнмесез!» фильмы лаек булган иде.
- Илшат Рәхимбайның «Микулай» фильмы Мансур Гыйләҗевның шул исемдәге пьесасы нигезендә төшерелде. Фильм киң прокатта булды.