Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Миколог: Бер генә ысул да ашарга яраклы гөмбәне агулысыннан аерырга мөмкинлек бирми
Урманда тапкан ашарга яраклы гөмбәне агулысыннан ышанычлы рәвештә аерырлык бер генә ышанычлы ысул да юк. Миколог, биология фәннәре кандидаты Михаил Вишневский «Радио 1» белән әңгәмәсендә шулай дип белдерде.
«Бик кызганыч, ләкин бер генә халык ысулы да ышанычлы түгел. Күпләр кортлы гөмбәне җыярга мөмкин дип саный, чөнки суалчан ашаса, кешегә дә ярый булып чыга. Бу дөрес түгел: агулы гөмбәләрнең барысы да диярлек личинкалар белән зарарлана», - дип искәртте белгеч.
Гөмбәдәге агуны киметү буенча халык рецептлары да нәтиҗәле түгел. «Күпме аш серкәсе, күпме генә тоз салсаң да, агулы гөмбә (агуланып үлү очракларының 90 процентка якыны шуңа туры килә) бары тик рәхмәт кенә әйтәчәк», – дип аңлатты биолог.
Шуңа күрә Вишневский «төгәл белгән гөмбәләрне генә» җыярга киңәш итә. «Әгәр таныш булмаган урманга барасыз яки гөмбәләрне начар беләсез икән, үзегез белән тәҗрибәле кешене ияртегез», – дип ачыклык кертте ул.
Моннан тыш, миколог сүзләренчә, җыйган гөмбәләрне өйгә кайткач таратып, яңадан тикшерергә кирәк.
Кызыклы яңалыкларны күзәтеп бару өчен Телеграм-каналга язылыгыз