Михаил Девятаевның улы әтисенең дачасын мемориал ясау өчен дәүләткә тапшырырга тели

Александр Девятаев «Үлемсез полк. Татарстан» онлайн-марафонында катнашты.

Скопировать ссылку

(Казан, 9 май, «Татар-информ»). Советлар Союзы Герое Михаил Девятаевның улы Александр Девятаев әтисенең дачасын мемориал буларак дәүләткә тапшырырга тели. Бу теләген ул «Үлемсез полк. Татарстан» онлайн-марафоны кысаларында җиткерде.

«Әти Идел буендагы бакчасын үзе төзегән, бакчасын үзе утырткан. Идел буенча йөзгән кеше аны Девятаев дачасы буларак яхшы белә. Мин бакчаны әтидән калганча сакларга тырышам», — диде Александр Девятаев.

«Дача тере мемориал була алыр иде. Әмма минем тәкъдимем әлегә яклау тапмады», — диде ул.

Александр Девятаев әтисенең Казан мәктәпләренә очрашуларга йөрүен, әлеге очрашуларда катнашуын үзенең бурычы итеп санавын әйтте.

«Үлемсез полк» гомумроссия хәрәкәте быел онлайн форматка күчте. «Үлемсез полк. Татарстан» онлайн-марафоны Уoutube-каналда һәм барлык социаль челтәрләрдә барды.

Бөек Ватан сугышында Михаил Девятаев (1917-20020 кабатланмас батырлык күрсәтә: 9 хәрби әсир белән немецларның яшерен очкычын кулга төшереп, фронт сызыгын кичә һәм совет хәрби командованиесенә стратегик мөһим мәгълүматлар тапшыра. Сугыштан соң Казанда яши.

Сәхифәләр

Михаил Девятаевның улы әтисенең дачасын мемориал ясау өчен дәүләткә тапшырырга тели