Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Михаил Бабич: “ Федераль бюджеттан җирле үзидарәләрнең эшен тулысынча тәэмин итә алырлык акча бүлеп бирелми”
Тиешле финанслау булмау эш нәтиҗәсенә дә йогынты ясый, дип саный ул
(Казан, 18 декабрь, “Татар-информ”, Лилия Локманова). Бүген Казан ратушасында Идел буе федераль округында җирле үзидарәләрне үстерү буенча Округ консультатив советының пленар утырышында ТР Президенты Рөстәм Миңнеханов һәм РФ Президентының Идел буе федераль округындагы вәкаләтле вәкиле Михаил Бабич, Казан мэры Илсур Метшин һ.б. катнашты.
Утырыш барышында “Җирле үзидарә системасын камилләштерү: яңа мөмкинлекләр һәм мөмкин булган хәвефләр”, “Торак-коммуналь хуҗалык, төзекләндерү һәм юл төзү өлкәләрендә җирле үзидарә органнары мәсьәләләре” кебек сораулар хакында фикер алышу күздә тотылды. РФ Президентының Идел буе федераль округындагы вәкаләтле вәкиле Михаил Бабич хәбәр иткәнчә, 2015 елга кадәр җирле үзадарә системасын тулысынча финанслау, өстәмә акча табу өстендә эш алып барылачак.
“Федераль бюджеттан муниципаль берәмлекәрдә җирле үзидарәләрнең эшен тулысынча тәэмин итә алырлык акча бүлеп бирелми, бу бүгенге көндә төп проблема булып кала бирә. Без бюджет Кодексына үзгәрешләр керттек, әмма әле бу да мәсьәләне чишми. Тулысынча финанслау булмагач, эш тә тиешенчә башкарылмый. Киләчәктә дә бу юнәлештә эш алып барылачак”, - диде ул журналистлар белән аралашу вакытында.
Кызыклы яңалыкларны күзәтеп бару өчен Телеграм-каналга язылыгыз