Австралиядә яшәүче татар журналисты туган телне онлайн өйрәтү тәкъдиме белән чыкты

Миңнеханов Татарстаннан читтә яшәүче татарларга туган телне онлайн өйрәтүне хуплады.

Скопировать ссылку

(Казан, 24 декабрь, «Татар-информ», Рифат Каюмов). Татарстан Президенты Рөстәм Миңнеханов читтә яшәүче татарлар өчен туган телне онлайн өйрәтү тәкъдимен хуплады. Бу тәкъдимне Австралиядә яшәүче Финзия Газизова республиканың 2020 ел нәтиҗәләренә һәм 2021 елга билгеләнгән планнарга багышланган матбугат очрашуында җиткерде.

Австралиядән Фәүзия исемле ханым чит илләрдә яшәүче балалар өчен онлайн-татар мәктәбе оештырырга тәкъдим итте. «Чит илгә киткәч, туган телнең кадере тагын да арта. Онлайн-мәктәп диалог формасында, җырлар, әкиятләр белән оештырылса, без бик шат булыр идек. Мин үзем инглиз телен Зум аша өйрәнәм. Миңа бик файдалы ул», — диде Финзия.

«Әлбәттә, телне өйрәнү бик мөһим. Без төрле юллар эзлибез. Әйтик, „Ана теле“ дигән платформа бар. Сезнең фикерне дә без өйрәнәбез. Уйлавымча, бу проект Россия өлкәләрендә дә файдалы булыр. Татар балалары чит илләрдә генә түгел, Россиядә дә бар, әмма татар телен өйрәнү мөмкинлеге бөтен җирдә дә юк», — дип җавап бирде Рөстәм Миңнеханов.

Татарстан Президенты телне үстерү мәсьәләләре белән Марат Әхмәтов шөгыльләнүен әйтте. «Бергә уйлашып, юлын табарбыз. Пандемия вакытында без онлайн укытуны оештырдык. Аның сыйфаты күзгә-күз карап эшләүгә караганда азрак булыр, ләкин ул мөмкинлекне кулланырга кирәк», — диде Рөстәм Миңнеханов.

Сәхифәләр

Австралиядә яшәүче татар журналисты туган телне онлайн өйрәтү тәкъдиме белән чыкты