Миңнеханов: Татарстанда салым бурычы ел башыннан алып 1 миллиард сумга кимеде
Татарстан Президенты район башлыкларын салым бурычын киметүдә активрак эшләргә чакырды.
(Казан, 17 октябрь, «Татар-информ», Диана Авакян). 2019 елның 9 аенда Татарстанда салым бурычы 1 миллиард сумга кимегән. Татарстан Президенты Рөстәм Миңнеханов ТР Министрлар Кабинетында узган киңәшмәдә шулай дип белдерде.
«Агымдагы ел башыннан алып салым бурычы 1 миллиард сумга кимеде. Бу эшне дәвам итәргә, шул исәптән тармак министрлыкларын да җәлеп итәргә кирәк», - дип искәртте ул.
Татарстан Президенты район башлыкларын әлеге эштә активрак катнашырга чакырды. «Бу – гаять зур эш күләме. Муниципаль бюджетларның да салым бурычы бар, ул бюджет процессына җәлеп ителергә тиеш», - диде Рөстәм Миңнеханов.
