Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Миңнеханов Татарстан төзелешләрендә җирле материалны киңрәк кулланырга тәкъдим итте
Татарстан Президенты «Татнефтехиминвест-холдинг» директорлар советы утырышын уздырды.
(Казан, 25 май, «Татар-информ»). Татарстан Президенты Рөстәм Миңнеханов җирле материалларны республика төзелешләрендә киңрәк кулланырга тәкъдим итте. Ул моны «Татнефтехиминвест-холдинг» ААҖ директорлар советы утырышында әйтте. Бу хакта ТР Президенты матбугат хезмәте хәбәр итә.
Кукмара таш фабрикасы турында «Оста һәм таш индустриясе» ҖЧҖ директоры Илнар Гыйләҗев сөйләде. Ул гранит вакланмасын бетоннан 20 процентка арзанрак булуына һәм озак вакытка хезмәт итүенә игътибарны юнәлтте.
Завод тарафыннан башкарылган проектлар арасында Кабан күле яр буе, Казанның «Мәрҗани» мәчете һәм Мәскәү метрополитены станцияләре бар. Предприятие киләсе елда таш эшкәртү цехын эшләтеп җибәрергә планлаштыра. Продукциянең сыйфатын арттыру өчен Италия һәм Скандинавия илләреннән белгечләр җәлеп ителә.
«Россия буенча караганда Татарстан натураль таш куллануның 3 процентын гына били. Мәскәүдән калышмыйча, максималь күләмдә гранит куллану теләге бар. Кукмара фабрикасы - Идел буенда иң зурларның берсе», - дип искәртте докладчы.
«Бу дөнья дәрәҗәсендәге продукция эшләүче заманча завод. Республика төзелешләрендә җирле материалларны мөмкин кадәр күбрәк кулланырга кирәк», – диде Рөстәм Миңнеханов.
Кызыклы яңалыкларны күзәтеп бару өчен Телеграм-каналга язылыгыз