Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Миңнеханов Силуановтан субсидияләр мәсьәләсен контрольда тотуны сорады
Татарстан Президенты 2017 ел бюджеты турында фикерләшкәндә бюджет кредитлары белән бәйле сораулар барлыгын белдерде.
(Казан, 17 декабрь, "Татар-информ", Надежда Гордеева). 2017 елга Татарстан бюджетында социаль йөкләмәләрнең барысын да үтәү каралган. Шул ук вакытта бюджет кредитларына бәйле мәсьәләләр кала бирә. Бүген Татарстан Президенты Рөстәм Миңнеханов республиканың Финанслар министрлыгы, Россия федераль салым хезмәтенең һәм Федераль казначылыкның Татарстан буенча идарәләренең уртак коллегия утырышында шулай дип белдерде.
Республика лидеры билгеләп үткәнчә, Татарстанның киләсе ел бюджеты 7,6 миллиард сум дефицит белән формалашкан. Керемгә салым буенча артыгын түләгән акча бар, 1 декабрь белешмәсе буенча, - 6,6 миллиард сум, диде ул.
“Мәҗбүри медицина иминиятләштерү федераль фондыннан субсидияләр буенча сораулар кала бирә. Бу мәсьәлә чишелешен тапмады. Сезне шуны шәхси контрольга алуыгызны сорыйбыз”, - дип мөрәҗәгать итте Рөстәм Миңнеханов утырышта катнашкан Россия финанслар министры Антон Силуановка.
Кызыклы яңалыкларны күзәтеп бару өчен Телеграм-каналга язылыгыз