Миңнеханов Путинга пандемия вакытында КАМАЗ заводының эшчәнлеге турында сөйләде
Татарстан Президенты Россия Президентына республиканың зур предприятиеләренә күрсәтелгән ярдәм өчен рәхмәт әйтте.
Скопировать ссылку
(Казан, 20 май, «Татар-информ», Адилә Зиатдинова). Татарстан Президенты Рөстәм Миңнеханов видеоэлемтә буенча эшлекле очрашуда Россия Президенты Владимир Путинга республиканың эре автомобиль төзелеше заводының эш темплары турында сөйләде.
«КАМАЗ апрельдә 3 113 данә автомобиль ясады. Ә майда эш көннәре азрак, шуңа күрә 2800 автомобиль җитештерде», — диде Рөстәм Миңнеханов.
Татарстан Президенты дәүләт башлыгына автомобиль төзелеше, авиатөзелеш, оборона сәнәгате, ягулык-энергетика, төзелеш һәм транспорт комплексларына ярдәм итү буенча кабул ителгән карарлар өчен рәхмәт белдерде.