Миңнеханов Мишустинның Сердар Бердымөхәммәдов белән киңәйтелгән очрашуында катнашты
Төрекмәнстан вице-премьеры һәм РФ Хөкүмәте Рәисе Татарстанга 29-30 апрельгә планлаштырылган Евразия Хөкүмәтара советы чараларында катнашу өчен килде.
(Казан, 30 апрель, «Татар-информ»). Татарстан Президенты Рөстәм Миңнеханов РФ Премьер-министры Михаил Мишустинның Төрекмәнстан вице-премьеры һәм Югары контроль палатасы Рәисе Сердар Бердымөхәммәдов белән киңәйтелгән очрашуында катнашты. Бу хакта ТР Президентының матбугат хезмәте җитәкчесе Лилия Галимова хәбәр итте.
Төрекмәнстан вице-премьеры һәм РФ Хөкүмәте Рәисе Татарстанга 29-30 апрельгә планлаштырылган Евразия Хөкүмәтара советы чараларында катнашу өчен килде. Бүген киңәйтелгән утырыш узды.
Евразия икътисади берлеге — ул халыкара икътисади интеграция оешмасы. Аның составына Россия, Әрмәнстан, Беларусь, Казахстан һәм Кыргызстан керә.