Миңнеханов Михаил Дегтярев белән WorldSkills чемпионатына әзерлек турында фикер алышты
Очрашуда туристлык тармагын үстерү, Россиягә һәм Казанга туристлар агымын арттыру буенча чаралар турында сүз барды.
(Казан, 8 март, «Татар-информ»). Бүген Татарстан Республикасы Президенты Рөстәм Миңнеханов VII чакырылыш Россия Федерациясе Дәүләт Думасының Физик культура, спорт, туризм һәм яшьләр эшләре комитеты рәисе Михаил Дегтярев белән очрашты. Бу хакта ТР Президенты матбугат хезмәте хәбәр итә.
"Яклар яшьләр сәясәтен гамәлгә ашыру мәсьәләләре, шул исәптән 2019 елның августында Казанда узачак WorldSkills стандартлары буенча һөнәри осталык буенча дөнья чемпионатын үткәрүгә әзерлек эшләренең барышы турында фикер алыштылар", - диелә хәбәрдә.
Шулай ук туристлык тармагын үстерү, тулаем Россия шәһәрендә һәм аерым алганда Казанга туристлар агымын арттыру буенча чаралар турында да сүз барды, дип билгеләп үтте матбугат хезмәте.
Очрашу Татарстан Республикасы Хөкүмәте Йортында узды.
