Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнеханов: Мәктәп укучылары өчен онлайн-дәресләрнең эчтәлеген баетырга кирәк
Татарстан Президенты озайтылган каникулда заманча белем бирү платформаларын файдаланырга тәкъдим итте.
(Казан, 30 март, «Татар-информ»). Татарстан Президенты Рөстәм Миңнеханов укытучылар һәм мәктәп укучыларын дистанцион белем бирүгә җаваплы карарга чакырды. Бу хакта ТР Президентының матбугат хезмәте хәбәр итә.
«Хәзерге вакытта укытучы белән укучының читтән торып аралашуын техник яктан тәэмин итү белән бергә, онлайн-дәресләрне яхшы эчтәлек белән дә баету мөһим. Бу балалар укуда артта калмасын өчен кирәк. Без озынайтылган каникулларны заманча платформаларны файдалану мөмкинлеге буларак та карарга тиешбез. Укытучыларны да, укучыларны да әлеге процесска җаваплы карарга чакырам», - диде Рөстәм Миңнеханов.
Бүген Татарстан мәктәпләрендә укучылар Саклык банкының белем бирү платформасына кушылды. Аерым алганда, банкның технологик проектыннан республикадагы 127 мәктәпнең V-VIII сыйныф укучылары файдалана алачак. Әлеге белем бирү платформасы ярдәмендә укучыларга барлык фәннәрне дә өйрәнү мөмкинлеге тудырыла.
Моннан тыш, платформа укытучыларга биремнәрне тизрәк әзерләү һәм тикшерү, онлайн режимында балалар һәм ата-аналар белән аралашу (һ.б.) мөмкинлеген бирә.
Платформада иң актуаль методик комплекслар тәкъдим ителгән. Биремнәр төрле форматларда (текст, видео, график, интерактив материал рәвешендә) урнаштырылган.
Кызыклы яңалыкларны күзәтеп бару өчен Телеграм-каналга язылыгыз