Миңнеханов Инстаграмдагы битендә бәйрәмчә бизәлгән Татарстанның матурлыгын күрсәтте
Социаль челтәрләрдән файдаланучылар бәйрәмчә бизәлгән шәһәрне күреп таң калган.
(Казан, 31 декабрь, «Татар-информ»). ТР Президенты Рөстәм Миңнеханов Instagram социаль челтәрендәге үз сәхифәсендә видеоролик урнаштырып, бәйрәмчә бизәлгән Татарстанның матурлыгын күрсәтте.
Социаль челтәрләрдән файдаланучылар бәйрәмчә бизәлгән шәһәрне күреп таң калган. «Әкият!», «Каникулларда, һичшиксез, шәһәр буйлап сәяхәт итәчәкбез», «Бик матур! Искиткеч!» - дип язган алар.
«Татар-информ» агентлыгы Рөстәм Миңнехановның нәни татарстанлыларның өч Яңа ел теләген чынга ашыруы хакында хәбәр иткән иде инде. 11 яшьлек Әмирхан Президент белән бергә вертолетта очты, 6 яшьлек Денис янгын сүндерү частендә булды, Кириллга планшет бүләк иттеләр.