Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнеханов Иннополиста ArtSpace яңа мәдәни үзәкне ачуда катнашты
Мәдәни үзәкнең исемен шәһәр халкы тавыш бирү юлы белән сайлады.
(Казан, 24 август, «Татар-информ»). Иннополис ИТ-шәһәрендә ArtSpace ивент-холл яңа шәһәр киңлеге ачылды. Тантанада Татарстан Президенты Рөстәм Миңнеханов катнашты. Бу хакта республика җитәкчесенең матбугат хезмәте хәбәр итә.
Шәһәр киңлеген 2020 елның февралендә төзи башладылар, ике катлы бина заманча минимализм стилендә эшләнгән. Аның гомуми мәйданы 2,2 мең квадрат метр тәшкил итә.
ArtSpace — ул ял итү, белем алу һәм иҗат итү урыны. Анда чаралар һәм кино күрсәтү өчен зур зал, авиамодельләштерү һәм робототехника өчен остаханә бар. Бинада шулай ук коворкинг, театр студиясе, бию классы, тавыш яздыру студиясе һәм кафе урнашкан.
Иннополис мэры Руслан Шагалеев сүзләренчә, ArtSpase халыкның мәдәни киңлек соравы буенча чагыштырмача кыска вакыт эчендә төзелгән. «Ул иҗат урыны булыр, анда һәркем үзе өчен кызыклы һәм файдалы шөгыль табачак дип ышанабыз», — диде Шагалеев.
ArtSpace исемен тавыш бирү юлы белән шәһәр халкы сайлаган. Яңа үзәк янәшәсендәге территория төзекләндереләчәк. Биредә иҗтимагый бакчалы яңа парк ачу планлаштырыла, анда Иннополис халкы яшелчә һәм җиләк-җимеш утырта алачак.
Кызыклы яңалыкларны күзәтеп бару өчен Телеграм-каналга язылыгыз