Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Миңнеханов халык санын алуда башлангыч нәтиҗәләр буенча Татарстан халкы артуын әйтте
Республика җитәкчесе Татарстанның инвестицион мәйданчыкларына ихтыяҗ арта баруын билгеләп үтте.
(Казан, 22 ноябрь, «Татар-информ»). Бөтенроссия халык санын алуның башлангыч нәтиҗәләре Татарстанда халык саны артуын күрсәтә. Бүген бу хакта Татарстан Республикасы Президенты Рөстәм Миңнеханов Чаллы шәһәрендә бизнес-җәмәгатьчелек вәкилләре белән очрашуда хәбәр итте.
«Без барыбыз да республикабызның җәлеп итүчәнлегенә омтылырга тиеш. Менә халык санын алу нәрсә күрсәтә? Һәркайда халыкның кимүе бара, ә бездә күпмедер үсеш динамикасы бар. Димәк, безгә күчеп киләләр, барысы да Татарстан ягына хәрәкәт итәргә тели», — диде ул.
Мисал итеп, республика җитәкчесе Татарстанның инвестицион мәйданчыкларына ихтыяҗ арта баруын билгеләп үтте. «Мастер» Кама индустриаль паркы территориясендә 1,5 млн квадрат метр мәйдан биләнгән һәм алга барырга кирәк», — дип искәртте ул.
Бөтенроссия халык санын алу 15 октябрьдә башланды һәм 14 ноябрьдә тәмамланды. Акциянең башлангыч нәтиҗәләре киләсе елның апрелендә, ахыргы нәтиҗәләре 2022 ел ахырына кадәр билгеле булачак. Элегрәк «Татар-информ» мәгълүмат агентлыгы исәпкә алу кампаниясендә Россия Президенты Владимир Путин һәм ил Премьер-министры Михаил Мишустин, Татарстан Президенты Рөстәм Миңнеханов, шулай ук ТР Дәүләт Киңәшчесе Минтимер Шәймиев катнашканлыгын хәбәр иткән иде.
Кызыклы яңалыкларны күзәтеп бару өчен Телеграм-каналга язылыгыз