Миңнеханов: Финанс, казна һәм салым органнарының төп бурычы – бюджетны булдыру
Рөстәм Миңнеханов әҗәтләрне киметү ведомстволарның өстенлекле юнәлеше икәнен искәртте.
(Казан, 17 июль, “Татар-информ”). Бюджетны булдыру Татарстандагы финанс, казна һәм салым органнарының төп бурычы булып санала. Бу фикерне Татарстан Президенты Рөстәм Миңнеханов 2019 елның алты ае йомгаклары буенча Татарстанның финанс, казна һәм салым органнарының республика киңәшмәсендә әйтте.
“Моны салым органнары, суд приставлары хезмәте, район башлыклары, Эчке эшләр министрлыгы һәм прокуратура игътибарына әйтәм. Әлеге эшкә тармак министрлыклары да актив кушылырга тиеш”, - диде Миңнеханов.
Моннан тыш, ул әҗәтләрне, бигрәк тә салым бурычларын киметү ведомстволарның өстенлекле юнәлеше икәнен дә искәртте. Чөнки киләчәктә хезмәт хакы түли алмау проблемалары килеп чыгарга мөмкин.
