Миңнеханов Аноприенко белән урман янгыннары куркынычын киметү хакында фикер алышты
Татарстан Президенты Рөстәм Миңнеханов Урман хуҗалыгы федераль агентлыгы башлыгы Сергей Аноприенко белән очрашты.
(Казан, 14 гыйнвар, «Татар-информ»). Татарстан Президенты Рөстәм Миңнеханов Урман хуҗалыгы федераль агентлыгы башлыгы Сергей Аноприенко белән очрашты. Бу хакта ТР Президентының матбугат хезмәте хәбәр итә.
Миңнеханов һәм Аноприенко урман хуҗалыгын үстерү, урман янгыннары куркынычын минимальләштерү, шулай ук ведомство һәм Татарстанның урманнарны яңадан торгызу буенча уртак эшчәнлеге хакында фикер алышты.
Казанда Урман хуҗалыгы федераль агентлыгы башлыгы ТР Экология һәм табигый ресурслар, Урман хуҗалыгы министрлыкларының йомгаклау коллегиясе утырышында катнаша. Моннан тыш, ул Саба районында урман селекция-орлыкчылык үзәге эше белән дә танышачак.