Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
МГИМОда узачак фестивальдә "Ильдан" татар бию ансамбле чыгыш ясаячак
Фестивальдә илебездә яшәүче халыкларның мәдәниятенә багышланган чыгышлар булуы көтелә.
(Мәскәү, 28 ноябрь, "Татар-информ", Наилә Исхакова). 29 ноябрьдә Мәскәү дәүләт халыкара мөнәсәбәтләр институтында Россия халыклары фестивалендә "Ильдан" татар бию ансамбле чыгыш ясаячак.
Фестиваль сәгать 14:00дә күргәзмәдән башланып китәчәк, ә инде 16:00да концерт программасы тәкъдим ителәчәк. Концертта илебездә яшәүче халыкларның мәдәниятенә багышланган чыгышлар булуы көтелә. Мәскәү дәүләт халыкара мөнәсәбәтләр институты татар клубы исеменнән "Ильдан" танылган бию ансамбле чыгыш ясаячак.
Мәскәү дәүләт халыкара мөнәсәбәтләр институты татар клубының җәмәгатьчелек белән элемтәләр өчен җаваплы менеджеры Диана Аббясова әйтүенчә, әлеге чара дөнья халыклары арасындагы дуслыкны көчәйтүгә юнәлдерелгән һәм килгән кунакларны Россиядә яшәүче халыкларның гореф-гадәтләре, мәдәнияте белән таныштыру өчен оештырыла.
Кызыклы яңалыкларны күзәтеп бару өчен Телеграм-каналга язылыгыз