Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мэр Илсур Метшин Казан яһүдиләренә мөрәҗәгать итә
Республиканың һәм Казан шәһәренең баш раввины Ицхак Гореликка ул хат юллаган
(Казан, 11 декабрь, “Татар-информ”). Казанның барлык яһүдиләрен Ханука бәйрәме белән котлап, Казан шәһәре мэры Илсур Метшин республиканың һәм Казан шәһәренең баш раввины Ицхак Гореликка хат юллаган.
Мэриянең матбугат хезмәтеннән алынган шул хактагы хәбәрдә әйтелгәнчә, хатта түбәндәге юллар бар.
“Сезне һәм барлык яһүдиләрне чын күңелдән Ханука бәйрәме белән котлыйм! Яхшылыкның яманлыкны, яктылыкның караңгылыкны җиңүен белдергән бу көнне Иерусалимны азат итү һәм аның баш гыйбадәтханәсен изгеләндерү истәлегенә, традицион рәвештә, шәмнәр кабызыла.
Күп гасырлар дәвамында Казан төп дөнья диннәре багланышлары үзәге буларак формалашты, төрле милләтләр культурасының ярашып үрелү, конфессияара килешүчәнлек үрнәгенә әйләнде. Дини җитәкчеләрнең һәм барлык конфессия вәкилләренең акыллы фикердә булулары сәбәпле, безнең шәһәребездә динара мөнәсәбәтләр үзара ышанычлылык ягыннан аерылып тора, уңай бәяләнә”, - дип, И.Метшин аларга сәламәтлек, бәхет, иминлек һәм татулык тели.
Кызыклы яңалыкларны күзәтеп бару өчен Телеграм-каналга язылыгыз