Салих Сәйдәшевнең туган көнендә композиторның яңартылган музее ачыла
3 декабрьдә танылган татар композиторы Салих Сәйдәшевнең тууына 125 ел тула. Әлеге истәлекле дата уңаеннан композиторның Казандагы музее реставрациядән соң үз ишекләрен ача, дип хәбәр итә ТР Милли музее үзенең Телеграм-каналы.
Хәзерге вакытта бинада бизәкләү эшләре төгәлләнгән, параллель рәвештә декоратив детальләрне бизәү дәвам итә, экспонатларның бер өлешен алып килгәннәр инде, калган өлешен якын арада китерәчәкләр.
«Безнең өчен бу - яңа бүлекнең башы. Һәм бу юлны сезнең белән бергә үтәсебез килә. Күрсәтергә, бүлешергә һәм һәр этапка шатланырга! Бик тиздән яңа тарих башлана. Әлегә исә яңартылган музей ачылуын көтәбез, Салих Сәйдәшев тормышыннан кызыклы тарихлар һәм мизгелләр белән уртаклашуны дәвам итәбез», - диелә хәбәрдә.