Менделеевскида сайлау көнне Балалар Думасына тавыш бирү үткәрелә
Менделеевск укучылары Бердәм тавыш бирү көненә кушылды – бу көнне районның барлык мәктәпләрендә Балалар Думасына сайлаулар уза. Район муниципаль берәмлеге вәкиллекле органнары депутатларын өстәмә сайлауда катнашучы олылар белән беррәттән, алар үз кандидатлары өчен тавыш бирә.
«Шәһәр һәм районның барлык мәктәпләрендә Балалар Думасына сайлаулар уза. Укучылар мәктәп үзидарәсе президентлары өчен тавыш бирә, соңыннан алар район Балалар Думасы депутатлары булачак», - дип белдерделәр «Татар-информ» агентлыгына район хакимиятендә.
Менделеевск районында тавыш бирү 1нче Ижевка бермандатлы сайлау округы, 2нче Песәй бермандатлы сайлау округы, 4 һәм 7нче Менделеевск бермандатлы сайлау округлары буенча уза.