Менделеевскида меңнән артык кеше “Татарстан кроссы”на чыккан
Кросста барлык яшьтәге кешеләр – мәктәпкәчә балалар да, өлкән яшьтәгеләр дә катнашкан.
Скопировать ссылку
(Казан, 16 сентябрь, "Татар-информ"). Республикада 15 сентябрь көнне узган “Татарстан кроссы 2018” чарасында Менделеевскида 1205 кеше катнашкан. Бу турыда «Менделеевск» мәгълүмат үзәге хәбәр итә.
Йөгерү иртәнге 10 сәгатьтә башланган. Катнашучыларны район башлыгы Валерий Чершинцев сәламләгән.
Кросста барлык яшьтәге кешеләр – мәктәпкәчә балалар да, өлкән яшьтәгеләр дә катнашкан.
Ярышлар тәмамлангач, җиңүчеләргә бүләкләр тапшырганнар. Һәр катнашучыга чараның символикасы сурәтләнгән календарь алган.
- "Татарстан кроссы 2018” Нурлатта 3,5 мең кешене җыйган булган.
- Тугыз яшьлек Алмаз Гыймалетдинов 2009 елгы һәм аннан да кечерәк ир балалар арасында арасында җиңүче булып танылды. Яшь спортчы араны 4 минутта 16 секунд эчендә узган, дип хәбәр иткән идек.
