Җәмгыять 15 ноябрь 2022 23:14

Менделеевскида мобилизацияләнгәннәрнең гаиләсенә куратор беркетәләр

Скопировать ссылку

Менделеевск районы җитәкчелеге һәм депутатлар мобилизацияләнгәннәрнең гаиләләре белән очраша. Алар бер атна дәвамында 150 гаиләдә булды. Бу турыда хакимияттә узган эшлекле киңәшмәдә район башлыгы Радмир Беляев сөйләде. Бу хакта «Менделеевск яңалыклары» сайтында хәбәр ителә.

«Мондый очрашуларда актуаль мәсьәләләр һәм аларны чишү юлларын, яшәү шартларын тикшерәбез. Һәр гаиләгә район хакимиятеннән һәм депутаттан куратор билгелибез. Бер атна эчендә мобилизацияләнгәннәрнең 150 гаиләсендә булдык. Без үзебезнекләрне ташламыйбыз һәм һәр мобилизацияләнгән ир-ат, аларның гаилә әгъзаларына ярдәм күрсәтеләчәк», — диде район башлыгы.

Аның сүзләренчә, җирле бюджет һәм мобилизацияләнгәннәрнең гаиләләренә ярдәм итү штабы белән төрлечә ярдәм күрсәтелә. Мисал өчен, җир участогына бәйле документларны рәсмиләштерүгә ярдәм күрсәтү, терлек асрау өчен азык һәм дарулар илтү һәм башкалар.

Сәхифәләр

Менделеевскида мобилизацияләнгәннәрнең гаиләсенә куратор беркетәләр