news_header_top_970_100
news_header_bot_970_100

Менделеевск районында автофургон 55 яшьлек ир-атны бәрдергән

Җәяүле алган җәрәхәтләрдән шунда ук җан биргән.

(Казан, 19 ноябрь, «Татар-информ»). Менделевск районында «ДАФ» йөк машинасы җәяүлене бәрдергән. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.

112 ашыгыч хезмәтләрне чакыру бердәм номерына Алабуга – Ижау трассасының 12нче чакрымында йөк машинасының җәяүлене бәрдерүе хакында хәбәр килә. Һәлакәт булган урынга килгән Гадәттән тыш хәлләр министрлыгы хезмәткәрләре ачыклаганча, зур тизлектә килгән автофургон 55 яшьлек ир-атны таптата. Ул алган җәрәхәтләрдән шунда ук җан бирә.

news_right_column_1_240_400
news_right_column_2_240_400
news_bot_970_100