Менделеевск районында автобус белән җиңел машина бәрелешкән
Автобуста 34 кеше булган.
Скопировать ссылку
(Казан, 23 декабрь, "Татар-информ"). Менделеевск районында автобус белән бәрелешкән җиңел машина йөртүчесе зыян күргән. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.
Бүген иртән Чаллы – Әгерҗе юлының 21 нче чакрымында “Дэу” автомобиле “Хайтер”рейс автобусы белән бәрелешкән.
Юл-транспорт һәлакәте вакытында автобуста 34 кеше булган. Һәлакәт аркасында юл-транспорт һәлакәтендә җиңел машина йөртүчесе зыян күргән.
Урында Гадәттән тыш хәлләр министрлыгы, полиция һәм медицина хезмәткәрләре эшләгән.