Менделеевск районында яшәүче гаилә махсус операция хәрбиләренә мотоцикл тапшырды
Скопировать ссылку
Менделеевск районында яшәүче Сәлахетдиновлар гаиләсе махсус операция хәрбиләренә үзләренең мотоциклын тапшырган. Бу хакта район башлыгы Роберт Искәндәров телеграм-каналында хәбәр итте.
«Днепр» мотоциклы – начар юллы шартларда да йөри ала торган чыдамлы техника. Район җитәкчесе әйтүенчә, мотоциклны хәрби шартларда куллану өчен җайлаштырып булачак.
Роберт Искәндәров Сәлахетдиновлар гаиләсенә актив гражданлык позицияләре һәм битараф булмаулары өчен рәхмәт белдерде. «Сәлахетдиновлар гаиләсенә егетләребезгә ярдәм итүләре өчен зур рәхмәт», – дип ассызыклады район башлыгы.
Фото: ТР Менделеевск районы матбугат хезмәте.