Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Менделеевск “мичурины” берәр килолы бәрәңгеләр үстергән
Бер төптән бишәр килограмм бәрәңге чыккан.
(Казан, 21 сентябрь, “Татар-информ”). Менделеевскида 67 яшьлек Рифкать Закиров район газетасының “Табигатьнең могҗизалы бүләге” бәйгесендә актив катнаша. Редакциягә бер чиләк эре бәрәңгеләр тутырып алып килгән, аларның һәрберсе берәр килограммлы диярлек, ә бер төптән бишәр килограмм чыккан, дип яза район газетасы.
“Дача участогына быелгы язда биш чиләк орлык бәрәңгесе утырттым, кырыкны казып алдык инде, әле барысын да алып бетермәдек. Менә шундый могҗиза булды”, - дип сөйли уңган бакчачы.
Бәрәңге сортын мин үзем булдырдым, елдан-ел аны яхшырта бардым, дип уңыш серен уртаклаша ул. “Дружба-5” җир кишәрлегендә 1982 елдан мәшгульмен, шуның өчен җир хәзер уңдырышлы. Өчәүләп утыртабыз: мин көрәк белән, тормыш иптәшем чокырга көл, йомырка, суган кабыклары, аннары кызыбыз бәрәңге сала. Җәй эссе булды, шуңа күрә су сипмичә булмады. Ә иң мөһиме, бу эшне барыбыз да күмәкләшеп ихластан башкарабыз. Тырышсаң, табигать уңышны мулдан бирә, дип саный Рифкать ага.
Кызыклы яңалыкларны күзәтеп бару өчен Телеграм-каналга язылыгыз