Менделеевск кешесе хатынын һәм балаларын үтергән өчен гомерлеккә хөкем ителде
41 яшьлек Айнур Харисов калган гомерен махсус режимлы колониядә үткәрәчәк.
(Казан, 21 июль, «Татар-информ», Елена Сәлахова). Татарстан Югары суды Менделеевскида яшәүче 41 яшьлек Айнур Харисовны элеккеге хатынын һәм балаларны рәхимсез рәвештә үтергән өчен гомерлеккә хөкем итте.
Ир-ат бөтен калган гомерен махсус режимлы колониядә уздырачак.
Шунысын билгеләп үтәргә кирәк, судта дәүләт гаепләвен Татарстан Республикасы прокуроры Илдус Нәфыйков тәкъдим итте
Элегрәк «Татар-информ» мәгълүмат агентлыгы хәбәр иткәнчә, Татарстан Югары судында Айнур Харисов соңгы сүз белән чыгыш ясады, анда үзе өчен үлем җәзасы сорады.
Коточкыч фаҗига узган елның декабрендә булды. Ир-ат үзенең элеккеге хатынына, кечкенә балага һәм үги улына пычак белән ташлана. Тагын бер 12 яшьлек бала качып китә алган.
Ир-атны кулга алгач, ул мондый куркыныч адымга көнләшү аркасында баруын сөйләде.