“Мега” сәүдә үзәге янындагы паркта көнкүреш вагонына ут капкан
Янгын ”Күңел ачулар утравы” паркы территориясендә чыккан.
Скопировать ссылку
(Казан, 7 июль, “Татар-информ”). Казанда “Мега” сәүдә үзәге янындагы аттракционнар паркындагы көнкүреш вагонына ут капкан. Бу хакта Татарстан эчке эшләр министрлыгы Баш идарәсенең матбугат хезмәтендә хәбәр иттеләр.
“Бүген иртән Гадәттән тыш хәлләр министрлыгына “Күңел ачулар утравы” паркында көнкүреш вагоны яну турында хәбәр килде. Янгынны сүндерү өчен №6 янгын сүндерү-коткару бүлеге янгын сүндерүчеләре барды”, - диделәр министрлыкта.
25 квадрат метр мәйдандагы янгынны 15 минут эчендә сүндергәннәр. Янгында беркем дә зыян күрмәгән. Хәзерге вакытта белгечләр ут кабуның сәбәпләрен ачыклый.
