Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Медведев сишәмбе көнен илкүләм матәм көне дип игълан итте
Соңгы мәгълүматларга караганда, теплоходта 208 кеше булган
(Казан, 11 июль, «Татар-информ»). Президент Дмитрий Медведев сишәмбе көнен, 12 июльне “Булгария” фаҗигасе белән бәйле рәвештә, илкүләм матәм көне дип игълан итте. Бу хакта Газета.Ru хәбәр итә.
“Иртәгә - илкүләм матәм көне”, - диде Медведев Россия Гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министры белән очрашуда.
“Исәннәрне табуга өмет калмауга карамастан, барлык эзләү эшләре ахырына кадәр үткәрелергә тиеш. Судно язмышына килгәндә, бату сәбәбен ачыклау өчен теплоходны судан күтәрү турындагы карар дөрес дип саныйм”, - диде Медведев.
Киәшмәдә Россия Гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министры Сергей Шойгу, транспорт министры Игорь Левитин, сәламәтлек саклау һәм социаль үсеш министры Татьяна Голикова, генераль прокурор Юрий Чайка һәм президент администрациясе җитәкчесенең беренче урынбасары Владислав Сурков катнашты.
Соңгы мәгълүматларга караганда, теплоходта 208 кеше булган, дип белдерде Сергей Шойгу. Элек Гражданнар оборонасы эшләре министрлыгы пассажирлар саны 196 яки 199 тәшкил итә дип белдергән иде.
Кызыклы яңалыкларны күзәтеп бару өчен Телеграм-каналга язылыгыз