Медведев Россиядә мобилизация уздыру буенча бернинди план да юк дип белдерде
Скопировать ссылку
Россиядә мобилизация уздыру буенча бернинди план да юк, дип белдерде, яңа медиа фестивалендә катнашучылар алдында чыгыш ясаганда, РФ Куркынычсызлык Советы Рәисе урынбасары Дмитрий Медведев. Бу хакта ТАСС хәбәр итә.
Аның сүзләренчә, Россия гаскәрләренә хәрби хезмәткәрләр җитәрлек. Алар, патриотик карашларга таянып, үзләре контрактлар төзеп киләләр.
«Безнең илдә бернинди мобилизация планнары юк. Безгә контрактка кул куеп сугышкан, үз патриотик карашларыннан чыгып, моны ирекле рәвештә эшләүче егетләребез дә җитә. Геройлар кебек сугышалар, ләкин моны аңлы рәвештә эшлиләр», - диде Медведев.