Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Гадәттән тыш хәлләр министрлыгы эш урынында арыганлыкны бетерү буенча киңәшләр бирде
Россия Гадәттән тыш хәлләр министрлыгының Татарстан Республикасы буенча Россия Баш идарәсе нейрогимнастика – баш мие ярымшарлары эшен синхронлаштыру өчен гади генә физик күнегүләр комплексы турында искәртте. Ведомство мәгълүматлары буенча, эш урынында биш минут күнегү ясау тиз арада арыганлыкны бетерергә, игътибар туплауны яхшыртырга, стресска каршы торуны арттырырга һәм катлаулы бурычларны үтәүне җиңеләйтергә ярдәм итәчәк.
Хәтерне яхшырту өчен алты гади күнегүне кулланырга киңәш ителә:
- Бер кулыгызның ике бармагын – урта һәм имән бармакны, ә икенче кулыгызның дүрт бармагын өстәлгә куегыз. Бармакларның урынын чиратлап алыштырырга кирәк.
- Бер кулыгыз белән «куян» күрсәтегез — имән һәм урта бармак, икенче кулыгызда – имән һәм чәнчә бармак. Кулларны алыштырыгыз.
- Кулларыгызны йомарлагыз. Сул кулыгызның баш бармагын өскә күтәрегез, уң кулыгызның баш бармагын имән һәм урта бармаклар арасына урнаштырыгыз. Бармакларның урынын алыштырыгыз.
- Ике кулыгызның да бармакларын чиратлап баш бармак белән тоташтырыгыз.
- Сул кулыгыз белән – борын очына, уң кулыгыз белән сул колакка кагылыгыз. Кулларыгызны алыштырыгыз.
- Кәгазь битен икегә бүлегез. Ике кулыгызга да каләм алыгыз һәм бер үк вакытта ике кулыгыз белән дә геометрик фигуралар ясый башлагыз.
Яңалыкларны күзәтеп бару өчен Макс-каналга язылыгыз