Махсус хәрби операциядә яраланганнан соң ялга кайткан Лаеш егете өйләнгән
Скопировать ссылку
Бүген Лаеш шәһәренең Никахлашу сараенда Украинадагы махсус хәрби операциядә яраланганнан соң ялга кайткан хәрбинең никахы теркәлгән. Бу хакта «Камская новь» газетасы яза.
Виталий һәм аның сөйгәне Оксана узган елның көзендә интернетта танышкан. Егет ноябрьдә контракт буенча хезмәткә киткән. Аннары Виталий яраланган һәм аңа ике ай ял биргәннәр. Шул вакытта яшь пар мөнәсәбәтләрен законлаштырырга булган. Гашыйклар махсус матур датаны (23.03.2023) сайлаган.