Махсус хәрби операциядә катнашучы Зәй хәрбие Суворов медале белән бүләкләнде
Скопировать ссылку
Зәй районының Якты Күл авылы хәрбие махсус хәрби операция барышында күрсәткән батырлыгы һәм кыюлыгы өчен Суворов медале белән бүләкләнде. Медальне хәрбигә батальон командиры шәхсән үзе тапшырган. Бу хакта «Зәй яңалыклары» хәбәр итә.
«Ирем узган елның сентябрендә мобилизацияләнде, инде ике тапкыр ялга кайтты. Мин аның белән бик горурланам һәм аңа терәк булырга тырышам. Ул — бик тырыш һәм кыю кеше, авылда хезмәт белән чыныгып үскәнгә тормыш авырлыкларыннан курыкмый. Аның безнең янга тизрәк исән-сау, җиңү белән әйләнеп кайтуын телим», — ди хәрбинең тормыш иптәше Гөлнур.
Ул Зәй волонтерлары аша иренә посылкалар җибәрүе һәм аларның вакытында тормыш иптәшенә тапшырылуы өчен рәхмәтле булуын да белдерде.