Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Махсус хәрби операциядә катнашучы хәрби Минзәлә укучысына хат өчен рәхмәт әйтте
Махсус хәрби операция зонасыннан ялга кайткан Алексей Ильин Минзәлә гимназиясенә килде һәм Камилә Фәррахова белән очрашты. Ул мәктәп укучысына хат язган өчен рәхмәт әйтте.
Гимназия укучылары Ватанны саклаучылар көне алдыннан шефлык ярдәме белән бергә махсус хәрби операциядә катнашучыларга рәхмәт һәм теләктәшлек сүзләре кергән хатлар җибәргән иде.
X сыйныф укучысы Камилә хат язган чагында аны кем укыячагын белмәгән һәм ике айдан соң хатны алган кеше белән очрашырмын дип күз алдына да китермәгән.
«Хат өчен, изге, ихлас теләкләр, теләктәшлек күрсәткән өчен рәхмәт. Хат язуны алга таба да дәвам итегез. Алар безгә ярдәм итә, рухландыра, сугышта өстәмә көч бирә. Аларны укыганда, боларның барысын да нәрсә өчен эшләвебезне аңлыйбыз», - диде хәрби, гимназиядә укучыларга мөрәҗәгать итеп.
Ул кыз белән очрашуга буш кул белән килмәгән – аңа бүләк алып килгән иде. Аннары гимназия укучылары хәрбигә үз теләкләрен җиткерде һәм аңа Георгий тасмасын тапшырды.
- Украинада махсус хәрби операция РФ Президенты Владимир Путин карары белән 2022 елның 24 февраленнән бирле үткәрелә. РФ Хөкүмәтендә күп тапкырлар белдерүләренчә, махсус операция тиешле максатларга – шул исәптән Россиянең иминлеген тәэмин итә торган шартлар тудыру - ирешкәнче дәвам итәчәк.
- Россия Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны аша күбрәк белергә мөмкин.
Материал Дифизә Нуриева катнашында әзерләнде.
Кызыклы яңалыкларны күзәтеп бару өчен Телеграм-каналга язылыгыз