Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Махсус операциядә һәлак булган хәрбиләрне Казанда искә алдылар
Бүген Казанда Җиңү паркында «Алга» батальоны хәрбиләренә багышланган митинг узды, алар засадага эләгә һәм 2023 елның 6 февралендә һәлак була. Митингны оештыручы булып һәлак булган хәрбиләрнең берсенең әтисе чыгыш ясады.
«Чарага мин озак әзерләндем. Бүген безне уртак кайгы җыйды. Минем өчен өченче рота улларым кебек иде. Алар минем улым белән бергә һөҗүмгә барган», - дип уртаклашты чараны оештыручы, һәлак булган хәрбинең әтисе Юрий Мариненко.
Митингта махсус хәрби операция хәрбиләре дә катнашты. Моннан тыш, чарада туганнары, һәлак булган хәрбиләрнең гаилә әгъзалары, шулай ук «Алга» батальоны хәрбиләре катнашты.
«Чара «Хәтер шәме» дип атала. Ул 2023 елның 6 февралендә «Алга» батальонының өченче ротасы засадага эләккәч, һәлак булган хәрбиләр хөрмәтенә оештырылган. 38 кешенең 18е һәлак булган», - дип сөйләде 181 мәктәп укытучысы, «Хәтер шәме» чарасын оештыручының ярдәмчесе Мәлик Хәйруллин.
Мәңгелек ут тирәсендә 2023 елның 6 февралендәге вакыйгалардан соң һәлак булган яки хәбәрсез югалганнарның фотосурәтләре куелган. Һәр фотография янында шәм тора иде. Чара ахырында аларны митингта катнашучылар кабызды.
Кызыклы яңалыкларны күзәтеп бару өчен Телеграм-каналга язылыгыз