Җәмгыять 14 декабрь 2023 12:59

Махсус операциядләгеләрнең балалары өчен Казанда юлда бушлай йөрүне бер елга озайттылар

Скопировать ссылку

Махсус хәрби операциядә катнашучыларның балаларына Татарстан башкаласында социаль ярдәм чараларының берсен - шәһәрнең җәмәгать транспортында бушлай йөрүне 2024 ел буена озайттылар.

Шәһәр башкарма комитетының 2022 елның 10 октябрендә гамәлгә кергән 3434нче карарына үзгәреш кертә торган карар Казан муниципаль берәмлеге документлар һәм хокукый актлар җыентыгында чыкты.

Җәмәгать транспортында бушлай йөрү хокукы 8 яшьтән 18 яшькә кадәрге балаларга бирелә, аларның әтисе яки әнисе махсус операциядә катнаша. Бу норма мобилизацияләнгән гражданнарның да, контрактчыларның да балаларына кагыла.

Өлешчә мобилизация башланганнан соң, узган ел Казанда социаль ярдәм чаралары пакетында мәктәпләрдә бушлай туклану, шулай ук «Батыр» картасы белән мәдәни һәм спорт учреждениеләренә бушлай йөрү каралган.

Украинада махсус хәрби операция 2022 елның 24 февраленнән бирле уздырыла. Аны РФ Президенты Владимир Путин башлап җибәрде. Россия хакимияте аның куелган максатларга ирешүгә кадәр дәвам итәчәген берничә тапкыр белдерде

#махсус хәрби операция

Сәхифәләр

Махсус операциядләгеләрнең балалары өчен Казанда юлда бушлай йөрүне бер елга озайттылар