Махсус операциядәгеләргә Татарстаннан ярдәм илтүче авыл башлыгы Россиядә иң яхшысы булды
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
Татарстанның Чүпрәле районы Түбән Чәке авыл җирлеге башлыгы Артем Солдатов «Авыл лидерлары» Бөтенроссия бәйгесендә җиңде.
«Артем Солдатов махсус хәрби операциянең беренче көненнән үк хәрбиләргә булыша: хәрбиләр һәм аларның гаиләләренә адреслы ярдәм күрсәтә, гуманитар ярдәм җыя һәм аны махсус хәрби операция зонасына озата бара, студентлар һәм мәктәп укучылары белән патриотик эш үткәрә һ.б. Хәрбиләргә булышлык күрсәтүдә авыл халкы да читтә калмый – алар ярдәм җыю пунктына төрле әйберләр алып килә», - дип белдерделәр «Татар-информ» агентлыгына Чүпрәле районы матбугат хезмәтендә.
Артем Солдатов Ульяновск гражданнар авиациясе югары авиация училищесында югары белем алган. Ул студентлар һәм мәктәп укучылары белән социаль акцияләр үткәрә – ялгыз әби-бабайларга ярдәм итә.
«Авыл лидерлары» Бөтенроссия яшь идарәчеләр бәйгесе авылда перспективалы идарәчеләр һәм иҗтимагый фикер лидерларын ачыклау максатыннан үткәрелә. Шулай ук авылның идарәче кадрлар резервы формалаштырыла һәм «Шәхси үсеш = авылны үстерү» девизы белән берләштерелгән фикердәшләр бергәлеге оештырыла.
Сайлап алу этабы берничә ай дәвам итте, финал исә 2-5 декабрьдә Мәскәү өлкәсенең Солнечногорск шәһәрендәге «Сенеж» идарә остаханәсе базасында узды. Финалда 200дән артык кеше катнашты.