Махсус хәрби операция 13 ноябрь 2024 14:21

Махсус операциядә катнашучыларга, салым бурычлары булса да, ташламалар алу хокукы бирелә

Скопировать ссылку

Татарстанда махсус хәрби операциядә катнашучылар һәм аларның гаиләләренең, салым бурычлары булуга да карамастан, социаль ташламалар алу хокукын озайтырга ниятлиләр. ТР Юстиция министрлыгындагы Эксперт советы әгъзалары шул хактагы закон проектын хуплады.

Утырышта билгеләп үтелгәнчә, республика законнары социаль ярдәм алу өчен билгеле бер шартлар куя. Шундый шартларның берсе – заявка бирүчеләрнең салым бурычлары булмау.

Әмма, махсус хәрби операциядә катнашучылар һәм аларның гаиләләренә ярдәм күрсәтүнең актуальлеген исәпкә алып, узган ел ТР Рәисе Рөстәм Миңнеханов инициативасы белән 2024 елның 31 декабренә кадәр әлеге төркем гражданнар өчен бу шартларны кире кага торган закон кабул ителгән иде. Бу махсус хәрби операциядә катнашучылар һәм аларның гаиләләренең хәтта салым бурычлар булса да билгеле бер социаль ташламалар алырга хакы бар дигән сүз.

Закон проекты нигезендә, әлеге хокукны 2025 елның 31 декабренә кадәр озайтырга тәкъдим ителә.

Искәртеп узабыз, Татарстанда «Үзеңнекеләр турында кайгырту» сайты һәм чат-бот булдырылган, анда милек, финанс һәм башка характерга ия барлык ярдәм чаралары да тупланган.

РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була. Шулай ук Контракт буенча хәрби хезмәткә сайлап алу пунктына (1нче разряд) мөрәҗәгать итәргә мөмкин. Адресы: Казан, Аэропорт урамы, 1/40; телефоны: (843) 221-44-52. Моннан тыш, 8 800 222 59 00 номеры буенча мөрәҗәгать итәргә була.

Сәхифәләр

Махсус операциядә катнашучыларга, салым бурычлары булса да, ташламалар алу хокукы бирелә