Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Махсус операциядә катнашучы Татарстан хәрбиләре телекүпер аша туганнары белән аралашты
РФ Саклану министрлыгы Казан һәм махсус операциянең тылдагы зонасы арасында оештырылган телекүпернең видеосын урнаштырды. Үзәк хәрби округ солдатлары (хәзерге вакытта алар махсус операция зонасында) видеоэлемтә аша туганнары һәм балалары белән аралашты. Хәрбиләр һәм аларның гаиләләре бер-берсенә бәйрәм котлаулары һәм җылы сүзләр җиткерде.
«Мондый чаралар кирәк. Барысы да яхшы узды. Якын кешеләремне күрдем, туганнарым белән аралашу бәхетенә ирештем һәм канәгать калдым. Туганнарга безне көтеп алуларын һәм сәламәтлек телим. Яңа ел белән!», - дип белдерде хәрбиләрнең берсе.
Кыш бабай һәм Кар кызы төрле уеннар уйнады, Яңа ел җырлары башкарды. Хәрбиләргә гитара һәм башка Яңа ел күчтәнәчләре бүләк иттеләр.
Саклану министрлыгында искәртүләренчә, хәрбиләрнең сугышчан рухын ныгыту, шулай ук туганнары аларның сау-сәламәт икәнлеген белсен өчен мондый телекүперләр даими рәвештә үткәрелә.
«Туганнарымны күрүемә бик шатмын. Бүләкләр өчен рәхмәт, телекүпер югары дәрәҗәдә оештырылды. Мондый чаралар бик кирәк» - диде хәрбиләрнең берсе телекүпер төгәлләнгәч.
Кызыклы яңалыкларны күзәтеп бару өчен Телеграм-каналга язылыгыз