Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Махсус операциядә катнашкан 40 кеше Татарстанда алдан тавыш бирүдә кандидат итеп теркәлде
Татарстанда «Бердәм Россия»нең алдан тавыш бирү чарасында катнашу өчен документлар кабул итү дәвам итә. Хәзерге вакытта республикада җирле үзидарәнең вәкиллекле органнарына алда торган сайлауларда кандидатлар сайлап алу буенча партиянең алдан тавыш бирү чарасында 5,2 меңнән артык кандидат теркәлгән. Документлар кабул итү 24 апрельгә кадәр дәвам итәчәк, дип хәбәр итте партиянең матбугат хезмәте.
Искәртеп үтәбез, Татарстанда быел көз ике сайлау кампаниясе планлаштырылган. Төбәк халкына республика Рәисен һәм җирле үзидарәнең вәкиллекле органнарына 7,5 меңнән артык депутат сайларга туры киләчәк.
«Кандидатлар күрсәтү Әтнә, Югары Ослан, Кукмара, Мөслим, Балык Бистәсе, Теләче, Чирмешән, Чистай муниципаль районнарында аеруча актив бара. Махсус операциядә катнашкан 40 хәрби алдан тавыш бирүдә кандидат сыйфатында теркәлгән», - дип сөйләде «Бердәм Россия»нең Татарстан төбәк бүлеге башкарма комитеты җитәкчесе Марат Сәмигуллин.
Алдан тавыш бирүдә гариза биргән кандидатларның яртысыннан артыгы – «Бердәм Россия» әгъзалары, өчтән бере партия тарафдарларының төбәк бүлеге сафларында тора.
Искәртеп үтәбез, төбәк сәяси советы президиумы алдан тавыш бирүне уздыру вәкаләтләрен партиянең җирле бүлекләренә тапшырды. Пассив сайлау хокукына ия һәм партиянең программа юнәлешен уртаклашкан һәр татарстанлы «Бердәм Россия»дән кандидат буларак күрсәтелә алачак.
Кызыклы яңалыкларны күзәтеп бару өчен Телеграм-каналга язылыгыз